CAEx va Qozog‘iston Respublikasi Mebel va Yog‘ochni Qayta Ishlash Sanoati Korxonalari Assotsiatsiyasi hamkorlik to‘g‘risidagi memorandumni imzoladi
CAEx Mebel & Decor 2027 xalqaro ko‘rgazmasi Markaziy Osiyoning mebel sanoatiga ixtisoslashgan professional uyushmalari bilan hamkorlikni kengaytirmoqda. 2026-yil 3-avgust kuni Central Asian Expo Uzbekistan (CAEx) va “Qirg‘iziston Respublikasi Mebel Ishlab Chiqaruvchilari Ittifoqi” jamoat birlashmasi o‘rtasida hamkorlikni rivojlantirish hamda Qirg‘iziston kompaniyalarini Toshkentda bo‘lib o‘tadigan navbatdagi ko‘rgazmada ishtirok etishga jalb etishga qaratilgan Memorandum imzolandi.
Qirg‘iziston Respublikasining mebel ishlab chiqaruvchilari va korxonalari uchun CAEx Mebel & Decor 2027 ko‘rgazmasida ishtirok etish o‘z mahsulotlarini O‘zbekistonning professional auditoriyasiga taqdim etish, yangi biznes aloqalarini o‘rnatish hamda mintaqa bozorlariga chiqish imkoniyatlarini o‘rganish uchun imkoniyat yaratadi.
CAEx va Qirg‘iziston Mebel Ishlab Chiqaruvchilari Ittifoqi tomonidan soha vakillari uchun vebinar va ko‘rgazmaning biznes dasturi doirasida panel sessiyasini o‘z ichiga olgan qo‘shma kommunikatsiya tadbirlarini o‘tkazish ham rejalashtirilmoqda. Ushbu tadbirlar mebel ishlab chiqarish sohasidagi dolzarb masalalarni muhokama qilish, mintaqaviy hamkorlik imkoniyatlarini taqdim etish va mutaxassislar o‘rtasida professional muloqot uchun qo‘shimcha maydon yaratishga xizmat qiladi.
Hamkorlikning yana bir muhim yo‘nalishi — Qirg‘izistonning mebel kompaniyalarini CAEx Mebel & Decor 2027 ko‘rgazmasida ishtirok etish imkoniyatlari haqida xabardor qilish. Qirg‘iziston Respublikasi Mebel Ishlab Chiqaruvchilari Ittifoqi ko‘rgazmani soha vakillari orasida targ‘ib qilishga ko‘maklashadi hamda ko‘rgazmaga potensial eksponentlar va professional tashrif buyuruvchilarni jalb etishda ishtirok etadi.
Shu tariqa, Qirg‘izistonning CAEx Mebel & Decor 2027 ko‘rgazmasidagi ishtiroki nafaqat alohida kompaniyalarning ishtirokini, balki mamlakat mebel sanoatining Toshkentdagi yirik professional tadbirda kengroq namoyon bo‘lishini ham nazarda tutadi.
CAEx Mebel & Decor 2027 ko‘rgazmasi 2027-yil 20–22-may kunlari Toshkent shahrida bo‘lib o‘tadi. Ko‘rgazmada mebel ishlab chiqaruvchilari va yetkazib beruvchilari, furnitura va butlovchi qismlar, pardozlash materiallari hamda dekor mahsulotlari ishlab chiqaruvchi kompaniyalar, shuningdek, O‘zbekiston va mintaqaning boshqa mamlakatlaridan professional xaridorlar va biznes vakillari ishtirok etadi.
Markaziy Osiyo mamlakatlarining sohaviy uyushmalari bilan hamkorlik qilish CAExga mintaqa bozorlari o‘rtasidagi professional aloqalarni mustahkamlash va soha kompaniyalari o‘rtasida to‘g‘ridan-to‘g‘ri biznes aloqalarini rivojlantirish uchun yangi imkoniyatlar yaratish imkonini beradi.
